جامعة حائل تحرم طالبا متفوق من القبول في كلية الطب #حقق نسبة 96%في قسم العلوم الطبيعية - صحيفة إخبارية حائل الإلكترونية
الخميس 4 شوال 1435 / 31 يوليو 2014




جديد الأخبار
1

الأخبار أخبار محلية › جامعة حائل تحرم طالبا متفوق من القبول في كلية الطب #حقق نسبة 96%في قسم العلوم الطبيعية

جامعة حائل تحرم طالبا متفوق من القبول في كلية الطب #حقق نسبة 96%في قسم العلوم الطبيعية

جامعة حائل تحرم طالبا متفوق من القبول في كلية الطب  #حقق نسبة 96%في قسم العلوم الطبيعية
خاص _ إخبارية حائل :

لم يتوقع الطالب المتفوق عبد الرحمن حميد الطواله أن يرفض قبوله وتسجيله في كلية الطب بجامعة حائل رغم تحقيقه درجات التفوق في اجتياز شهادة الثانوية العامة قسم العلوم الطبيعية بنسبة 96% واختبارات القدرات العامة بنسبة 83% حيث وجد نفسه بداية العام الدراسي الجديد خارج أسوار الدراسة الجامعية رغم درجات التفوق التي حققها في السنة الأخيرة من الثانوية العامة يقول : طموحاتي أن أكمل دراستي في كلية الطب بجامعة حائل بعدما حققت نسبة القبول العامة المتعارف عليها في كليات الطب وأكملت عملية تسجيلي عن طريق موقع الجامعة حيث دونت جميع اشتراطات القبول وتحديدا كلية الطب كرغبة أولى وصلتني بعد أيام رسالة smsعلى جوالي الخاص تفيد بقبول تسجيل بياناتي في موقع الجامعة وبعد انتظار أبلغت من زملائي أنهم تلقوا رسائل قبول ودعوه لمراجعة الجامعة لتسليم شهاداتهم الأصلية ومطابقتها وانتظرت على أحر من الجمر لرسالة القبول وتحديد موعد لمراجعة ولكن كانت المفاجأة المدوية لي ولأسرتي بعدما راجعت الجامعة أشعرني موظفين قسم القبول والتسجيل في الجامعة أنني لست من المقبولين وليس لي أسم في جهاز التسجيل الالكتروني الخاص بالجامعة شرحت لهم أن هناك رسالة وصلتني وهذه شهاداتي لكن لا أحد مستجيب بل البعض من الأساتذة الأكاديميين استغربوا عدم القبول رغم التفوق العام الذي حققته في ظل أن الجامعة قبلت من هم أقل مني نسبة حيث تحطمت أحلامي التي كنت أرسمها في أن أصبح طبيا في أحدى التخصصات الدقيقة التي تخدم بها وطني ومدينتي والآن أنتظر أي دورة عسكرية قادمة برتبة جندي لألتحق بها بدلا من أكون عاطلا وحملا ثقيلا على كاهل أسرتي


image
إضغط على الصورة لمشاهدة الحجم الكامل

تعليقات تعليقات : 80 | إهداء إهداء : 0 | زيارات زيارات : 11035 | أضيف في : 10-16-1430 11:13 AM | شارك :


تعليقات الفيس بوك

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
التعليقات
70545 Saudi Arabia "كل على همه سرى"
الله يعينك





أخي زي حالك


نسبته فوق 90%

ومعدل القدارات 75% تقريباً

ومعدله يالتحصيلي حوالي 70%


ولم يتم قبوله بأي كليه من كليات الجامعه

لكن الحمدلله تم قبوله في أحدى الجامعات السعوديه


70546 Saudi Arabia "والله حاله"
الله يعينك اخوي عبدالرحمن
ولد خالي مثلك ومثل اسمك بعد ونسبته 99% وكان طموحه كلية الطب ولكن لم يقبل فيها ..!!

ماادري وش يبون من نسبه ؟؟


70548 European Union "بدر الشمري"
أرفـــــــــــــــع راسك أنت سعـــــــــــــــــــودي


70549 Saudi Arabia "كوكو "
ما عليش يا عبدالرحمن انت نسيت الاهم من نسبة 96

اية ماتدري وش نسيت


المفروض هذا الي نسيتة ان يكون معك


في كل مكان حتى عند العمالة البنقالة

الي ينظفون الشوارع

لازم تاخذ معك فتامين (( و ))

كلامي صح او خطاء


اكيد صح

اطلب التوفيق من عند الله



70555 Saudi Arabia "%ا لإخـ إإخـلآص ــلآص%"
الله يعينك ويصبرك وانشاء الله ربي يوفقك وتكمل تعليمك وتحقق طموحك..
وبصراحه ادارة قبول الجامعه فيها شويت تخلفات ..
الواحد يرتب التخصص الذي يقبله ويفهم عليه ويقدمه بالمراتب الاولى ويحطونه باللي يعجبهم لومو شايف اللي يناسبه ويفهمه ما فضله على التخصصات الاخرى بس الله
يعطيهم العقل والفهم مدري ليش يتيحون ترتيب التتخصصات دام مايقبلون الواحد باللي يختار؟؟(؟)

وكل امرك لربك لا تستعجل على الظيفه وانت عندك طموح بشهاده عاليه وتخصص عالي..الحين الوظايف اللي من غير شهاده تخصص ماتوكل عيش..


70559 Saudi Arabia "ميمي"
ياقلبي يابراءتك اللة يهديهم لو انا قبلتك بسرررررررررررررعة اللة يوفقك ويقبلونك يااااااااااااااااااااااااارب


ردود على ميمي
Saudi Arabia [رجل] 10-17-1430 03:20 PM
الله تكتب هكذا يا مسلم

70561 Saudi Arabia "hail"
يجب ان يقبل ياخي الى متى وحنا كذا

امثال عبدالرحمن كثير مبدعين ومميزين

ثم لا يجدون من يقدر ابداعهم والنهاية

جندي او سكرتي حرررررررررررام

اعطو الشباب فرصة نبي نشوف دكاتره سعوديين

بمستشفياتنا


70569 Saudi Arabia "رجل المعاق"
أرفـــــــــــــــع راسك أنت سعـــــــــــــــــــودي




من روس شمرررررر وسلمييييييي




الله ان يوفقكم انشالله


70575 Saudi Arabia "احمد عبدالله"


أخواني فيه تخبط في جامعة حائل غريب جدا ومطلوب تدخل معالي مدير الجامعة

فورا وهو طبعا من الرجال المعروف عنهم الجديه والحرص وتلمس حاجات الطلاب

وهي نقاط ممتازة تحسب له 0

هناك طلاب على أبواب التخرج باقي لهم الفصل الدراسي الحالي فقط ويفأجئون

بوجود تعارض بجدولهم ؟ وتطلب منهم عمادة القبول والتسجيل البقاء في الجامعة

الى الفصل القادم لأخذ المادة التى فيها تعارض ؟ مع أن بعضهم التعارض عنده في

ساعة واحدة فقط ؟ يعني ساعة واخدة فقط تؤجل تخرجك فصل دراسي كامل

ما يضير العمادة لو تم تعديل الجدول 0 لاحول ولا قوة الا بالله لا يوجد هذا الا في

جامعة حائل فقط ؟ ننتظر تفاعل معالي مدير الجامعة وسعادة عميد القبول

والتسجيل بمعالجة هذا الخلل والنظر لمصالح طلابهم ومعاملتهم كإبنائهم

والله في عون العبد مل دام العبد في عون أخيه


70578 Saudi Arabia "ريختــر"
أخي عبد الرحمن لا بد أن تقتنع وغيرك ايضا لابد وأن يدرك بأن المحسوبية لها دور بالغ الأثر في كثيراً من الحقوق المدنية المكفولة نظاماً لنا كا خريجين ولكن من ينصف من، أدعوك إلى التسجيل في قوى الأمن العام في الدورة الثالثة والأربعون القادمة فهي خير طموح لشبابنا لأنهم بالأخير هي مصيرهم ومصير كل شاب ليس لديه من يشفع لها في جامعة أو في إدارة يقول الشاعر المخضرم (قبلك بهيج حدروه السناعيس من عقده اللي ما يزحزح قناها) في ركب الجنود أنضم حيـــاة أسهل .


70580 Saudi Arabia "looover"
وش تبي بكلية الطب .. !!

كلية الطب عندنا ترها قاعتين مآخذيننهم من قاعات قسم الأشعه بالكلية الصحية
يغابشون هالقسم على قاعاته
مافي معامل لهم
يعني تدرس نظري بس وهالشي مو زين لك بالمستقبل
وفوق هذا كله
مامعك واسطه احلم بكلية الطب ..

تسان تبي طب رح بعثة على حسابك برا
والتحق ببعثات الملك بعد السنة الأولى
لاتضيع مستقبلك بجامعة الكل فيها مظلوم بصراحه
لاطلاب ولادكاترة ولاحتى اداريين
الله يوفقك باللي تبيه


70584 Saudi Arabia "الخلاوي"
خذ شهاداتك وبسرررررررعه لصاحب السمو الأمير سعود وقل ياطويل العمر لولا الله ثم جهودك الخيره ها لجامعه ما حلمنا به بحا يل ولا بحلم النوم وهذا معدلي ترضى ياطويل العمر هذا العمل ، وتولم للدراسه من بكرى بكلية الطب رغم أنوف المتلاعبين!!!!


70585 Saudi Arabia "فهد ماجد الطواله"
تعال خلني اسجلك جندي عندنا في الحرس الملكي بالرياض

اخوك الملازم اول / فهدالطواله


ردود على فهد ماجد الطواله
Saudi Arabia [عاطل] 10-16-1430 04:53 PM
فهد ماتوظفن انا معي متوسط وقاعدنبه

والا عبدالرحمن ثانوي والمجال فاتح قدامه
Saudi Arabia [الحق جاكم] 10-16-1430 06:12 PM
كفو ... بيّض الله وجهك


ليه ما تسجله في كلية الحرس إذا عندك واسطة ؟؟

70590 Saudi Arabia "فهد"
قسم بالله شي يرفع الضعط

وتقلون لة الشباب يصيرون ارهابين

من القهررررررررررررررررررررررررررررررررر

انا اناشد الامير الغالي التدخلل بحل المشكلة


70592 Saudi Arabia "الحزين"
يااخي والله حرام حرام عليكم يا جامعة حائل هذا وحنا متفائلين بكم وانكم تبع وزارة التعليم العالي والشهاة الي تأهلونه للمتخرج شهادة اكاديمية بكالوريوس
طيب هالطالب هذا وش ذنبه اولا نسبته 96 بالميه
وثاني شي اختبار قدراته 83 بالميه

اكثر من هالشي هذا يعني وش تبون
وهذا وبعد عميد القبول والتسجيل شمري ونتفائل به كل خير
هل ترضى ياعميد القبول والتسجيل لأبنك ان يفعل به مثل هذا المسكين
صدقني انك ماترضى
هل ترضى انه يدعي عليك ليلا نهارا وفي كل صلاة , تروح ضحيته بحادث او اي مكروه بمالك واهلك وبعيالك

وبعدين هذي كلية الطب ماهي لعبت نسبته بعدين زينه ليش ماتقبلونه الواسطة خلها على جنب هذا واسطته هالنسبه مشاء الله عليهوغير ذلك نسبة القدرات استغفر الله العظيم
لو هو مسجل بأي جامعة خارج انه راح يقبل ماهو تعقيد زي الي عندنا
وانا والله كنت متفائل ومادح جامعة بكل مجلس وبكل مكان وآخرته ماتقوعت انه تكون كذا
الله يعينه ويوفقه انشاء الله ويسهل له في دربه


70595 Saudi Arabia "عليان الشمري"
يحاربون العلمانيين والليبراليين ولايحاربون الواسطة لأنهم يستفيدون منها . على الأقل الليبرالية تدعو للمساواة والعدل بين الناس كما يدعو لها الإسلام . لست ليبراليا ولكنني أتعجب من التناقض الذي نعيشه .


70599 Saudi Arabia "غريبه الليالي"
يااخي صار الموضوع عاادي

وش تقول للي نسبتها 99.46 %

والقدرات 83 %

والتحصيلي 79 %

تنحرم من القبول في الطب

وطالبات اقل منها ينقبلوا

وربي بنت اعرفها قالت لي انا دخلت بواسطه صحيح مو طب قسم ثااني بس نسبتها في الثانوية في 60 يااااحرااام بنات في 90 وماينقبلوا وبنات كسااااااااااااااله ينقبلوا عشان عندهم وااسطه.. مع انهم يقولوا ماندخل واسطه بس اعظم من كذبهم ماافيه

حسبي الله ونعم الوكيل


70600 Saudi Arabia "فايز"
الله يعينك اخوي عبد الرحمن

إذا تبي الجامعة لازم واسطة قوية الآن كثرة الواسطات في حائل



هذا شيء مؤكد%%%%%%%%%%%%%%%%%%%%%%%%%%%%%%


70602 Saudi Arabia "عبر سبيل "
الله يرحم الملك فيصل كان يقول كل شي قدرت عليه الا الواصطه الله يرحمه


ذكرني الاخ عبدالرحمن كلمة ملك


70620 Saudi Arabia " انا ولد عمتك يا عبد الرحمن"
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


70625 Saudi Arabia "الشمري"
يافهد الطواله انا ابسجل بالحرس الملكي انا لب الشرف بذلك

بس وش رايك بالعوهلي يسمح ولا لالالالالالالالالالالالالالا


70633 Saudi Arabia "جندي "
الله يوفقة وغيربة صراحة مثل هالمعدل ولا يقبلونه الا صحيح في كلية طب بجامعة حائل ما اظن
ورغم اني زعلت على عبدالرحمن يقول جندي الجندية شرف وكأنه يستقل هذا العمل
لكن حرام ما يقبلونه بالطب


70638 Saudi Arabia "متى رمضان الجاي"
مالهم حق يردونك أمير ومتفوق بعد وش يبون
الظاهر نسبة واسطتك 56%
اللة يوفقك ومبنر الاخبارية حيادي ومسموع وهم العون بعد اللة لك
بناخيك : المسعووودي راع العصلا


70639 Saudi Arabia "Doo7mee"
معك واسطه تدخل مامعك واااسطه تحلم انك تدخل


الله لايحلهم ولا يوفقهم


70641 Saudi Arabia "ممــدوح الأسلمي- الأحساء"
السلام عليكم ورحمه الله وبركاته




الله يعينك هذا اللي أقوله . .



وأنا يامحاكيك نسبتي ماهو مقارنه بنسبتك عاد يعني .. إنت ما شاء الله يابن طواله


أنا نسبتي .. 88% قسم العلوم الطبيعيه .. ولكن أيام إختبارات الوزاره .. عام 1425هـ

والقدرات .. 66%

وسجلت في كليه المعلمين على ساس تخصص لغه إنجليزيه .....
ولكن عيوا وجبت واسطات .. وقفولي الدكاتره كلهم وإختباري المبدئي كان . على إختصاص لغه إنجليزيه وسألوني تكلم باللغه الإنجليزيه عن طريقه تشغيل السياره شف يعني مثل قوله .. تعاندنا ماحنا قابلينك .... وقبلت على تخصص علوم ..
ولكن إحباط ياخي وكملت سنتين وفصلت وسجلت بالأمن العام والحمدلله مشت الأمور زي الحلاوه ... ولكن بقت بصدري ليه ما قبلت ... وش نسوي

خله على ربك بس .. يابن طواله ونصيحتي لك سجل بأرامكو أحسن لك رواتب ووظيفه تليق بشهادتك .. على النسبه اللي إنت جايب وإن شاء الله تقبل ..

كل الشباب اللي عندي ما شاء الله عليهم رواتب وعلى كيفك وكل نسبهم من 90 % وأقل .. أرامكو أرامكو ..

أتمنى أن توصل لك المعلومه هذي .. .

وإلا إخباريه حائل ما تقصر .. إذا ما قريت التعليق .. رح أخباريه حائل تقوم بالمقام ...


هذا اللي حبيت اقوله وإعذروني على الإطاله

تقبل ودي ..
وتحياتي :_
ممدح الأسلمي .......


70649 Saudi Arabia "امل"



الله يوفقك يااااااااااااااااااربي ويبلغك منااااااااااااااااااالك 0000انت وجميع شباب


المسلمين 000امييييييييييييييين


وربي وجه الولد شاااااااااااحب وحزين ومتأثر الله يعينك يارب ويعطيك من خير


ماعنده ويكتب لك الي فيه الخيره والتوفيق يااااااااااااااااااااارب


70653 Saudi Arabia "محمد جلال الطواله"
كان اللة في عونك يا ولد العم لا يوقف طموحك اصبر الي السنة الجاية وانشاللة تقبل بها الجامعة او غيرها من الجامعات بالتخصص اللي تبي وهالسنة استغلها بدورة تطور انجليزياتك ولا تنسى وانا اخوك قول اللة تعالى









70676 Saudi Arabia "ياهملالي "
الله يوفقة ويتحقق حلمة
دايم يأخذها الي ما له حق فيها


70684 Saudi Arabia "محمد "
الله يعينه ويوفقة
حرام عليهم الي يصير علامات ؟؟؟؟؟؟؟؟؟؟؟؟؟؟؟ ترتسم على محييا


70694 Saudi Arabia "الواسطه"
الووووووواسطه الله يلعنه اكثر شى فى حاااااااااائل


الى متى الى متى انت مبدع والناس






غيرك اقلى منك ادخلو ليش ما ادرى الووووسطه


70705 Saudi Arabia "ابن الوطن"
واشيب عينيييييييييييييييييييي ياحايل واهنــــــــــــــــي البهايم


ما المطلوب فتمين (( و ))


المطلوب فتمين (( ح )) او (( ص ))

هذولي اللي يمشن بحايل وبالأخص جامعة حائل

بهذلونا حسبي الله عليهم

الله لا يحلهم والحساب عند رب الحساب

انا اختي تخرجة السنه هذي من الجامعه تقدير ممتاز مع انه كل الأترام تأخذ ممتاز بعد

ولا قبلوه لي على الرغم من قبول غيره معيدات اقل منها

السبب الفتمينات المذكوره اعــــــــــــــــــلاه

خطه مدروسه للتحطيم


70709 Saudi Arabia "احمد"
مشالله عليك

لازم تشتكي

هم ضمنو ان محد مشتكي عليهم وقامو يلعبون بالناس



70710 Saudi Arabia "ajkkkkd"
يالربع نسبة 96 كل احد يقدر يجيبه
يدرس باحد هالقرايا المنحله وليست المحتله
ويجيب اكثر من كذا
اما من ناحية القبول بالطب محدود والعدد قليل
والسبب مافيه اماكن وهذا شي يفشل
اما الجالسين ماقبلوا انا سمعت ان كل من تقدم
للجامعة وهو متخرج من حايل قبل بأي قسم
على كيف القبول يحطونه
طولته عليكم وكثرت الحكي
اخوي عبد الرحمن خذ أوراقك وقدّمه على مدير
الجامعة وان شاء الله مايصير لك الا كل خير
اسأل مجرب ولا تسأل طبيب
بالتوفيق ياحفيد اخو صلفه


70715 Saudi Arabia " فريح البريكي "
الأخ عبدالرحمن الله يوفقك ماشاء الله عليك على النسبة والله يكفيك شر العين وبعد أسأل الله العلي العظيم رب العرش الكريم ان يحقق لك علمك ومطلبك وأمنيتك ........ وانصحك في الثلث الأخير من اليل أن تدعو الله الذي لا تضيع ودائعه وأعلم أن الواسطة هي كالتالي اعلم انا مااصابك لم يكن ليخطئك وانا ماأخطائك لم يكن ليصيبك واعلم انا ماشاء الله كان وما لم يشـــاء لم يكن واعلم لو اجتمعت الأنس على ان يضرك بشي لم يضروك بشي إلا قد كتبه الله عليك وما ينفعوك إلا بشي قد كتبه الله لك ////////////// نصيحتي لك أذهب إلأى الرياض وادخل جامعة الطب تخرج دكتورات فيه واحد قدم على كلية المعلمين قبل 4سنوات بحائل ونسبته 98علمي وما قبل ودخل جامعة الطب بالرياض الآن باقي له 3سنوات ويتخرج دكتورات يقرب لي والسلام خير الكلام وشكراء


70725 Saudi Arabia " صالح الشمري"


أخي احمد عبدالله بالنسبة لموضوعك الذي كتبت عنه بخصوص الطلاب الذين على

وشك التخرج في هذا الفصل والذين يوجد تعارض في جداولهم وطلب منهم الإنتظار

للفصل الدراسي القادم 0 أبشرك إن طلاب الحاسب الآلي منهم دخلوا اليوم على

الدكتور ( العريني ) عميد قسم الحاسب الآلي بالجامعة وهو رجل متدين ووقور

ووعدهم بحل مشكلتهم غدا الثلاثاء جزاه الله ألف خير وكثر الله من أمثاله

ووفقه لما يحب ويرضى في يوم لاينفع فيه مال ولا بنون الا من أتى الله بقلب سليم




70735 Saudi Arabia "الوآآآفي"
رح خل ابوك يلبس بشتة ويروح لاابو متعب
حرام الي قاعد يصير

نسبتة فوق الممتاز ومعدل القدرات فوق الممتاز
حررررررررررررام خافو الله ياعالم

وفية كثير مثل حالة اخونا بن طواله


70741 Saudi Arabia "الكاسب"
الحمد لله ان شقيقي لم يسجل في جامعة حائل لمعرفته بالقائمين على جامعة حائل وذهب الى جامعة اخرى وتم قبوله فيها 0
اخي عبدالرحمن اتجة الى احدى جامعات المملكة ستجد انشاء الله نصيبك والله الموفق


70745 Saudi Arabia "اغنى دوله وشعبها؟؟؟؟"
معليش يابو داحم

الله يعينك حنا خريجين كليه وجالسين لنا ثلاث سنوات

العام الوزير يطووول الله عمره جايب لنا 1000 دكتور بنقالي
من اخس واوصخ شعوب العالم البنقال

وانت ياابن البلد معليش ماعندنا للك مكان

جايبين بنقاليه وحنا بطاله

ولاننسى المعهد الصحي قوه فلبينو وبرضوا خريجين المعهد جالسين
ينتظرون التععين

وحنا لاواحسافه كد 4 سنوات بالكليه واخرته نشحد 10 ريال بنزين

(المملكه العربيه السعوديه )
اغنــــــى دولـــــــــــه
وشعبها افقر الشعوب


70758 Saudi Arabia "العديلي"
بسم الله الرحمن الرحيم

أخوي عبدالرحمن في شي ماتطرقة
له ولا أدري هل أجتزته بنسبه جديده ولا
لا

ألا وهو أختبار التحصيلي وأذا أنت مختبره

أرجوا التكرم منك با أرسال رساله إلى
جوالي توضح فيها أسمك ورقم السجل
المدني وجميع نسبك بالثانوية والقدرات
والتحصيلي وأوعدك بأذن الله ما يأتي السبت القادم ألا وأنت على مقاعد جامعة حائل كلية الطب بأذن الله بس
وأذا حبيت تتصل أرسل رساله قبل من جوالك بسمك ثم بعده أتصل


ج/0550756002

أخوك / عبدالله العديلي

أو راسلني على الأيميل

al-badr-hail@hotmail.com






70765 Saudi Arabia "مراسل الناصرية "
الله يوفقك بالدناء والاخرة ماشاء الله
والانسان مايدري وين الخيرة ربما ان تكون رادعة عن شر احمد الله على ماختاره

وشكرا


70767 Saudi Arabia "فرفوش"
جامعة حائل فاشلة للاسف

افضل لك روح لجامعة الملك سعود ولا جامعة الملك عبدالعزيز

هي اللي عليها الكلام


والله يعينك على مصيبتك


70773 Saudi Arabia "آهات القبول"
الله يعينك يا أخوي

يارجال جامعه حائل ماتهتم الا بالشهرة والا طلابها مظلومين

الله يوفقك وييسر أمرك ان شاء الله


70775 Saudi Arabia "حااااااايلي"
الله يوفقك يا اخوي عبد الرحمن
انا سجلت العام فيها وانا اسجل قالوا لي حط الرغبات حطيتها وخليت كلية المعلمين اخر شي ,,,,,,,,, لاحظ نسبتي 90% علوم طبيعيه
حطوني بكلية الفلس لا وتخصص انجليزي


اصبر وانا اخوك والله يوفقك
اخوك :مدرس انجليزي >>>>>>>>>>>>>>>>>>ههههههههههههه والله من الدجه


70782 Saudi Arabia "نيسان داتسون2008"
الله يوفقك يا عبدالرحمن
والله ان الي الله كاتبه لك يبي يصير


70784 Saudi Arabia "خلدون"

الله لا يبارك فيهم حرموه وحطموه وحبيت اذكرهم انا الله يمهل ولا يهمل كل
النسبه هذي واخرته بالعسكريه وجندي لو انه ملازم اشوى ارحم بس حسبي الله عليهم
والله يكتب فيه خير له


70790 Saudi Arabia "تميمي حمراني"
ظلم ظلم ظلم

ياخي والله أنا انقهرت رغم أنا ما أعرف الأخ عبد الرحمن ، الغريب جداً أن هالجامعة هذه السنة قبلت نسب ضعيفه جداً جداً وهذا اللي أنا مو مستوعبه حتى الآن ، يعني بالعربي كل من هب ودب قادر يدخل بالجامعة بسهولة ......


عبد الرحمن لا تسكت عن حقك طالب ثم طالب ثم طالب أنت أحق من غيرك

وبالتوفيق لك وإن شاء الله تنحل مشكلتك وتتحق أمنيتك بدخول بكلية الطب


70801 Saudi Arabia "فيتامين W"
يارجال منت اول واحد ولا اخر واحد

انا نسبتي 95% علميوحطيت رغبتي الاولى كلية المعلمين انقليز يوم جيت حاطينن الرغبه الاخيره

كلية المجتمع

وبلعنت الجدف وفيتامينات واو يالله لقيتهن وقبلونن

وتفاجئت ان نص المجموعه دجججه وكلهم شرعي

لكن اقرب حل لك /

1- انك تشتكيهم
2- تجيب الشايب معك او اي احد ويدخل على ادارة الجامعه ويخرشهم تراه تنفع مجربه

3- واذا مانفع رح جامعه البترول والمعادن بلا منت هذولا

4 الله يوفقك رزقك مكتووب لك


70827 Saudi Arabia "مسالمه"
الله يعينه

اصبر اخوي والله مايضيع حقك

يمكن ربي يعوضك خيرا منها الله كريم وفوق كل شي

بس توكل على الله وارضى بالمقسوووم

الله يوفقك



70845 Saudi Arabia "شوشلي"
شف حبيبي لا تتعب نفسك ويضيع عليك الوقت . ماعندك واسطه .لا تعب نفسك ......
عندك واسطه والله لو معدلك 75% يقبلونك .


70851 Saudi Arabia "الصامت"
الناس شنو حملة شعوا على الجامعة وانا لاادري ولكن يمكن الطالب غير مؤهل علميا لدخول كلية الطب يمكن اخذ المعدل بالواسطة وياكثرهم والا ليه جايب بالقدرات النسبة المتدنيه.وأسأل الله ان يوفقك ياعبدالرحمن وشرف لنا انك تجيب معدل طيب.ولكن بحق.


70863 Saudi Arabia "الرويلي"
الوااااااااااااااااااااااااااااااااااااااااااااااااااااااااااااااااااااااااااااااااااااسطة ضيعتنا اقوووووووووووول مايعيش بالسعودية الا هشوووووووووووووومي واشكالة .ولا حنا لك الله ...ياناس شوفوا الدحمي بالصووووووووووورة مبين وجة المستغرب عن عدم قبولة والله اشياء تشيب بالراس...


70876 Saudi Arabia "من الرياض "
عبدالرحمن الله يوفقك
اذا هي بالواسطة انت ابن طواله
واصلين ماشالله وخاااااصة بكليات الضباط
وابن طواله اللي بالبعثات كل خوياي الطواله اللي مادخل ضابط طلع بعثه
بغض النظر عن النسبة بس المشكلة ماعندكم واسطة بحايل

الله يوفقك ويكتب اللي فيه خير


70890 Saudi Arabia "هلا هلا هلا "
بصراحة اصفق لكـ إعجابا اخ عبدالرحمن ــ بقولكـ إما اكون طبيب او اقرب دورة عسكرية ــ كذا ماعندكـ طموح للأسف
وأنا متأكد ان لكـ اسم بجامعة حائل ولكن ليس بكلية الطب ...




الله يصلحكـ 96% كل واحد يجيبها واخوي زي نسبتكـ بس طب ماتقبل النسبة ذي وكم التحصيلي ليش ماذكرته وأنا متأكد انه مارح تنساه بمثل هالموقف
ذكرت القدرات ـــــــــــــــ والتحصيلي تجاهلته هذا يدل على انه اقل بكثير من القدرات وهو الأهم


نصيحة المجالات واسعه والطب ليس نهاية الطاف عدم القبول فيه خل عندكـ طموح معقول تخصصات جامعة حائل لم تنل على إعجابكـ ,,,

والله تكسر الخاااااااطر بس ياليت تكتب لنا التحصيلي عشان اقول لكـ كم تطلع نسبتكـ الموزونه وفقك الله







70891 Saudi Arabia "مشعل الطواله"
السلام عليكم ورحمة اللة
اخوي عبدالرحمن كلية الطب عندنا مايدخلة الا الناس الي عمة وزير او عميد خلة على ربك معانا ناس بكلية التمريض واللة مايعرف الحروف الانجليزية
والف مبروك على القبول بكلية الجوية الطيران
ابن عمك(مشعل شجاع الطوالة)
تعرف العميد تدخل على طول الطب ماتعرف لا تقدم مع الباب


70895 Saudi Arabia "محمد الطواله"
ماعليش ياولدالعم انت دخلت احسن منها الله يوفقك كليه الطيران افضل
اخووووووووووووووك محمــــــــــــــــد عجب الطواله


70899 Saudi Arabia "مشاري حميد الطواله"
ماعليه يا اخوي يكفي انك دخلت الكلية الجويه ويكفي انهم خسرو طالب مراح يلقون مثله ماقبلوك صحيح بس مراح نقول خسرنا دخول الجامعة بالعكس نقول وبكل ثقه خسرو شخص مراح يلقون بكليتهم مثله....
اكثر الجامعات استقبلوك بكل احترام وتمنياتهم انك تسجل بجامعاتهم لكن الحمد لله ربي وفقك ودخلت الكلية الجوية وراح تتخرج ظابط ..
وما اقول الا شد حيلك ثلاث سنين تروح بلمح البصر الهمه ياخوي وانت قدها وقدود واعرف انك رجال من ظهر رجال ,,,,
واتمنى لك التوفيق وعقبال انشاء الله تتخرج ونفرحبك ,,,,,,
خيـــــــــــــــــــــــكــ ميشو


70913 Saudi Arabia "والد عبدالرحمن"
بسم الله الرحمن الرحيم
سلام عليكم ورحمة الله وبركاته وبعد...

اعرفكم على نفسي انا والد عبدالرحمن الطواله حقيقه اشكر كل من ساهم بردود المشرفه اللتي تسكن آلامي اود اشرح لكم ما حصل مع عبدالرحمن. اولآ: انا لاحظت البعض يقول ماعندك واسطه وغير ذالك اود انووه انني لا ارغب الواسطه مدام نسبة عبدالرحمن مشرفه ولكن خلوني اشرح ماحصل
في وقت قبول الجامعه عبر النظام الاكتروني قام عبدالرحمن بتسجيل معلوماته والمطلوب منه بكلية الطب بكل دقه وتلقاء عبدالرحمن رساله بتسجيل تحتوي على رقم الطلب وكلمة السر كما ذكر لكم عبدالرحمن سابقآ وعند مراجعة الجامعه لم نجد له اسم وذهبت انا شخصيآ لدكتور المختص واخرج لي من درج مكتبه كشف باسماء المقبولين بطب وافادني الدكتور ان هناك ست مقاعد لم تشغل حتى الان فبعد المناقشه معه طلب سكرتيره وذهب معنا للجهاز الالكتروني للبحث عن اسم عبدالرحمن ولم نجد له اسم وافهمت بدكتور بذالك وبعدها ......................
وتم الاتصال على الدكتور المهجع وكان ذاك الوقت في الاردن وشرحت له الوضع ولكن حقيقه رد علي لم اتوقعه فقال هناك صندوق شكاوي في الامكان تكتب موضوعك رديت عليه مشكورآ يعني الطيور طارت في ارزاقها وانا اقدم على الصندوق
وذهب الى مدير الجامعه وتقدمة عليه في معروض موضحآ له ذالك وحدتت كليت الطب وقام معالي المدير بمسائلة عبدالرحمن اختر اي كليه من كليات الجامعه واقبلك الان فجاب عبدالرحمن قال ليش يامعالي المدير نسبتي ماتدخلني الطب؟
رد عليه مدير الجامعه قال ياابني ناس تقدمو لنا نسبهم بتسعين ولم نقبلهم في الطب
هذا يعني مادقق معاليه على اوراق عبدالرحمن فقاله عبدالرحمن انا نسبتي 96وقدراتي 83 والتحصيلي 71
وطلب الاوراق مدير الجامعه من عبدالرحمن مره ثانيه وشاهدها فقال بلفعل وقال انت مميز وناظر مدير الجامعه الى موظف الاستقبال الذي كان بجوار مدير الجامعه لاخذ طلبات المراجعين وهو خالد العتيبي وشرح مدير الجامعه مشكورآ على المعروض لامانع وفرحنا والفرحه تغمرنا وباركة لعبدالرحمن وخرج عبدالرحمن فرحن جدآ جدآ وكنت انا افكر بيني وبين لامانع ؟ ماذا تعني! هل يقبل؟ او يصرف؟ او غير ذالك
ولكن مدير الجامعه حقيقه عنده اسلوب يمتص الغضب اهنيه بذالك
ولم تردنا رساله بعد المعروض في اي خبر حتى الان حقيقه انا محرج من ابني عبدالرحمن ولكن لاحول ولا قوه الا بالله ووكلت امري لله
والحمد لله على كل حال والصلاة والسلام على اشرف الانبياء المرسلين



70935 Saudi Arabia "بن طواله "
عبدالرحمن حميد بن طواله في الكلية الجوية

دعواتكم له بالتوفيق


70936 Saudi Arabia "تسأل"
(؟) (؟) (؟) (؟) (؟) (؟) (؟) (؟)


الحين عبدالرحمن قبلته كليه؟؟؟؟؟


70937 Saudi Arabia "شو هيدا الحتسي !"
و الله مثل هالرجال خسارة كبيرة للسعودية و أكبر لحايل


مثل هالشباب أللي بهالدرجات يقبلونهم قبول فوري!

أللي يقهر أنه شباب أقل منه نسبة و دخلوا و أظمن مية بالمية أنها بالواسطة و أنا أعرف كذا طالب من أول دفعه دخلوا بالواسطة و أللحين داجين بها !

بس ما أقول إلا المفروض يروح هالطالب و يواجه أحمد السيف شخصيا !


صفحة 1 من 212>
تقييم
2.99/10 (170 صوت)

جميع الحقوق محفوظة لصحيفة إخبارية حائل الإلكترونية